Í sveitinni

Ég er svo glöð með að vera kominn einn dag í viðbót fráhald. Nú er allt svo gott, var að klára að borða vigtaða og tilkynnta máltíð no. 2 og mér líður bara vel.

Mér leið ekki svona vel í gær. Þegar ég er ekki heima eða á stað þar sem ég er örugg með matinn minn líður mér stundum bölvanlega. Ég var í sauðburði í gær fyrir austan hjá mágkonu minni. Sem er svo sem ekki nýtt en ég hef ekki verið þar áður í fráhaldi. Dætur mágkonu minnar fóru í hrikalegt baksturs stuð og ilmaði allur bærinn af bökunarlykt á þeim kolvetnum sem ég er veikust fyrir.

Ég var við það að fríka út, ef kallinn hefði ekki séð það og komið til mín þá hefði ég fríkað úr, ég meina það. Ég er viss um að ef kallinn hefði ekki verið inn hefði ég fallið, en ég þakka guði fyrir það og varð pirruð yfir að kunna ekki æðruleysisbænina utan af, þetta hefði verið rétti tíminn til að stilla sig af.

 ojjjjjjjj hvað ég var tæp. Eftir að hafa talað við kallinn í smá stund og fengið mér kaffi kom yfir mig ró, gat meira segja hjálpað í eldhúsinu og sett kolvetnin á borðið.

Getur verið að ég sé að ögra sjálfri mér , já takk það held ég . dísús hvað ég er klikkuð. Jæja næsti kúnni er mættur og ég verð að hætta.

Takk fyrir að vera í fráhaldi líka, elsku GSA gellur. Takk fyrir mig.

Athugasemdir

[Kristborg Ingibergsdóttir, 13.5.2008 kl. 17:08]

Hvernig

[Kristborg Ingibergsdóttir, 13.5.2008 kl. 17:11]

Klikkaði eitthvað í færslunni á undan. Það sem ég vildi sagt hafa er, hvernig væri að hringja í sponsorinn sinn á svona stundu.

[Helga Dóra, 13.5.2008 kl. 17:23]

Maður á víst að hringja í sponsorinn sinn á svona tímum..... Þarf að taka það til mín sjálf. Til hamingju með sigurinn um helgina.... Það er allt hægt í fráhaldi.

[Helga Dóra, 13.5.2008 kl. 17:23]

p.s. takk fyrir hjálpina í gærkvöldi

[Brussan, 13.5.2008 kl. 19:35]

Já, ég er víst ekki ein á ferð og þarf að læra að hringja í sponsuna mína.

Ekkert mál Helga Dóra, það er gott að fleiri gleyma sér en ég.. 

[Ella Guðný, 13.5.2008 kl. 20:02]

Svona dagar eru erfiðir, ég er búin að eiga nokkra svona upp á síðkastið.. En þú ert hetja :)

[Sykurmolinn, 13.5.2008 kl. 23:30]

Þú dugleg að komast í gegnum þetta