Góð helgi :)

Helgin er búinn að vera ljúf. Föstudagur rólegur, kom heim um hádegi og var í rólegheitum heima, vegna mikillar rigningu kom Svali snemma heim og var það ljúft að era öll heima í kósý skapi.

Svali fór á laugardag á gæsaveiði. Skrítið hvað sumir eru æstir í að fara upp á heiði til að sofa í tjald til að liggja í skurði og skjóta fugla í rigningu og roki.   Ég  fór að vinna á laugardeginum, vann til 15, fór svo að ná í frænkuskottið hana Helenu sem bróðir minn á og systir mín kom svo með sín skott heim til mín. 

Ég tók það að mér að  leyfa þeim að gista hjá mér. Þannig  að ég var með 5 börn, (Máni 10 ára, Helena 9 ára, Greta 8 ára, Ingvar 7 ára og Elín 5 ára.)  Mér finnst ég vera hetja að lifa það af. Við fórum í Suðurbæjarlaug,  fórum svo á videóleiguna og fundum myndir sem allir vildi horfa á ....úfff það tók slatta tíma og samningsviðræður, síðan tók geðveik gleði, hlátur (gelgjuhlátur), pískur, ískur og slatti að galsa. Ég kom þeim öllum fyrir í risunu í hjónarúminu með mynd í tækinu og náðu þau að halda sér til  23 en þá fóru þau að detta í svefn eitt og eitt. Að sjálfsögðu var heimasætan mín síðust að sofna, ótrúlegt hvað hún þarf lítinn svefn (mamma segir því miður að hún sé eins og ég var síðust að sofna -fyrst á fætur).

Skottin voru sótt um 11 leytið í morgun og tók þá tiltekkt við.

Síðan var ákveðið að fara í Bíó, mamma, pabbi, systir, mágur, mákona, móðursystir og maðurinn hennar, ég og börnin 5 fórum klukkan 15 á Mamma Mia. Brjálað stuð og allir skemmtu sér vel. Kom heim og eldaði góðan mat.

Yndislegt að eiga góða helgi.   Takk fyrir mig og hafið það gott í kvöld.

Knús á ykkur  

Athugasemdir

[Helga Dóra, 31.8.2008 kl. 22:08]

Sé fyrir mér þreytta en sátta Brussu eftir þessa helgi.....

[Kristborg Ingibergsdóttir, 31.8.2008 kl. 22:18]

Yndisleg helgi hjá þér elskan :o)

[María, 2.9.2008 kl. 00:04]

Heppin.